“S’na lanë të votojmë, kemi 23 vite në Gosë”, qytetarët flasin për Euronews Albania

Këtë të diel janë përsëritur zgjedhjet vendore në Rrogozhinë, ku për të dytën herë brenda vitit qytetarët i janë drejtuar kutive të fundit, mirëpo jo të gjithë arritën të votonin.

Disa qytetarë kanë thënë për kamerat e Euronews Albania se pavarësisht se kanë 23 vite që jetojnë në Rrogozhinë nuk i kanë lejuar të votojnë.

“Na kanë hequr, kemi 23 vite që jetojmë këtu, na kanë hequr nuk na lejojnë të votojmë këtu. Na thonë votoni në Librazhd. Ne kemi 23 vite që jetojmë këtu në Gosë.

Nuk na lanë të votojmë as në 14 maj, na thonë duhet të merrni një vendim gjykate. Ne certifikatat këtu i marrim. Emri ka ardhur për të votuar, por duhet vendim gjykate”, -tha qytetarja që së bashku me bashkëshortin e  saj nuk u lejuan të votonin këtë të diel.

Ajo shtoi se më herët ka votuar, por që nga viti 2017 nuk i kanë lejuar më.

LEXONI GJITHASHTU:

• Gjendet pa jetë 41-vjeçari në Elbasan, çfarë dyshohet
• U fotografua vota në Rrogozhinë, Nesturi: E drejtë ndërprerja e procesit të votimit