Sofja u kërkoi të pranonin rrënjët bullgare në këmbim të BE, Zaev: Ka çështje për të cilat nuk mund të negociohet

Kryeministri i Maqedonisë së Veriut, Zoran Zaev u shpreh skeptik sa i takon mundësisë për mbajtjen e konferencës së parë ndërqeveritare me BE, deri në fund të vitit.

Ndërsa Bullgaria vazhdon të insistojë se do t’i japë dritë jeshile fillimit të bisedimeve, vetëm nëse Shkupi pranon se gjuha dhe populli maqedonas kanë rrënjë bullgare, Zaev tha se ka çështje për të cilat askund në botë nuk negociohet dhe nuk do të negociohet as tek ne, ndërsa theksoi se po bëhen të gjitha përpjekjet për të gjetur një zgjidhje

Komisioni Evropian ka inkurajuar si Shkupin ashtu dhe Sofjen t’i vazhdojnë përpjekjet shpresojmë që të arrihet marrëveshje për kornizën negociuese

Përfaqësuesi i opozitës maqedonase VMRO-DPMNE, ish-ministri i jashtëm Antonio Milloshoski u bën apel të gjitha shteteve anëtare të BE-së, Komisionit Evropian dhe Këshillit Evropian të sjellin vendim të pakushtëzuar për fillim të negociatave, me mbajtjen e konferencës së parë ndërqeveritare.