Softa: Marrëveshja e ekstradimit me Emiratet e Bashkuara mund të jetë shumë larg

Eksperti i kriminalistikës Fation Softa është shprehur se e sheh të largët marrëveshjen e ekstradimit mes Shqipërisë dhe Dubait.

Në një intervistë për emisionin “Review” në Euronews Albania, ai theksoi se personat me rrezikshmëri të lartë po strehohen në Dubai duke e parë këtë të fundit si parajsë penale.

“Politikat e Shqipërisë drejt Dubait kanë një intensitet ndryshe, kanë një tendencë për të krijuar një lloj afrimi me këtë vend. Personat  në shkallë të lartë rrezikshmërie, janë dhe  po strehohen gjithmonë e më shumë duke parë Dubain si Parajsë penale. Organet ligjzbatuese shqiptare nuk kanë qenë në gjendje të bëjnë kon trollin dhe bllokimin e aseteve të financave të tyre. Sa i përket tentativës për të krijuar lidhje dhe marrëveshje, është për t’u përgëzuar, por nuk e di sa larg është për të bërë këtë pritje. Një marrëveshje ekstradimi mes Dubait dhe Shqipërisë e shoh të gjatë”-tha Softa.

LEXONI GJITHASHTU: 

• “Kemi gabuar rëndë në Turqi”, Cakrani flet për marrëveshjet e ekstradimit
• “Dubai parajsë e kriminelëve”, Gazetari rendit emrat që i kanë shpëtuar drejtësisë