Sot ditëlindja e ‘Nënë Terezës’, politika mesazhe për shenjtoren shqiptare

Përkujtohet sot ditëlindja e Anjezë Gonxhe Bojaxhiu, apo si e njeh e gjithë bota “Nënë Tereza”.

Ajo lindi më 26 gusht të vitit 1910 në Shkup të Maqedonisë së Veriut dhe vdiq në vitin 1997. Ajo njihej si humaniste shqiptare dhe fituese e çmimit Nobel për Paqe.

Në ditën e lindjes së “Nënë Terezës”, kanë përcjellë mesazhe dhe figura të politikës.

“Sot përkujtojmë 114 vjetorin e lindjes së Nënë Terezës, Shenjtorja shqiptare që i përket mbarë njerëzimit”- ka shkruar në një postim në rrjetet sociale Edi Rama.

Spiropali shkruan se Shën Tereza është shqiptarja më e ndritur, e cila, me përdëllimin e saj karshi mjerimit, urrejtjes, individualizmit dhe indiferencës, krijoi një qiellnajë shpirtërore të dashurisë, solidaritetit dhe përkushtimit.

“Nga porositë e panumërta dhe të paçmuara që Nënë Tereza, kjo luftëtare e urtë e paqes pa mjete dhune, i la njerëzimit, sot, në këtë botë të trazuar, të rrezikuar nga retë e luftës, kam zgjedhur mësimin e madhërishëm: Nuk kemi nevojë për armë dhe bomba për të sjellë paqe në botë, kemi nevojë për dashuri, mëshirë, dhembsh”-shkruan Spiropali.

Nënë Tereza është nderuar me çmimet dhe nderimet më të larta, duke përfshirë: më 1962 Çmimin e Paqes Ramon Magsaysay dhe 1979 Çmimin Nobel për Paqe.

Më 19 tetor 2003, ajo u lumturua dhe u quajt “Tereza e Bekuar e Kalkutës”.

Papa Françesku e shenjtëroi Nënë Terezën më 4 shtator 2016 në sheshin e Shën Pjetrit në Vatikan para dhjetëra mijëra njerëzve, përfshirë 15 delegacione zyrtare dhe 1500 të pastrehëve nga e gjithë Italia, kujtojnë mediat e Shkupit.

Nënë Tereza u admirua gjerësisht nga shumë njerëz për veprat e saj bamirëse.

LEXONI GJITHASHTU:

• Konsumon sasi të konsiderueshme ilaçesh, ndërron jetë gruaja në spitalin Nënë Tereza
• Artisti i rrugës: Nënë Tereza, Çelentano e Çaplin blihen më shumë, edhe nga deputetë