Artisti i rrugës: Nënë Tereza, Çelentano e Çaplin blihen më shumë, edhe nga deputetë

Artisti Artur Bushi, i cili prej 12 vitesh shet pikturat e tij në rrugët e Tiranës, tregoi në emisionin Real People në Euronews Albania se gjithnjë ka dashur të bëjë gjëra të veçanta, prandaj ka përzgjedhur copa parketi për të pikturuar.

Ai tregon se nisi ta bëjë këtë punë si eksperiment, por rezultoi e suksesshme në një kohë kur shumë njerëz e mbajtën me fjalë boshe e nuk i ofruan një punë tjetër, duke nxjerrë moshën e tij si justifikim.

Më tej ai tregoi se pikturat e tij blihen dhe nga deputetë, ndërsa tregoi dhe preferencat e qytetarëve për artin.

“Pikturat fillojnë nga 25-30 euro. Shqiptarët blejnë më shumë se të huajt. Preferencat janë nga më të ndryshmet por them se shqiptarët i kanë rritur më shumë preferencat.  Më përpara donim artin klasik. Tani më shumë blenë “Nënë Terezën”, “Çelentanon”, “Çarli Çaplin”, që është një nga më të shiturit.  Shqiptarët janë fansat e tij. Shes në Tiranë e në Durrës. Blejnë deputetët e nëpunësit”, – tha ai.

LEXONI GJITHASHTU:

• Artisti i Pedonales rrëfehet në Real People: Pikturat nudo më nxorën nga varfëria
• Shfaqja artistike për liderët e BE! Koreografia e Angelin Preljocaj për Europën