‘Sot merr fund kjo’, Berisha kërcënon Ramën: Populli do flasë në këtë sallë

Kryetari i Partisë Demokratike, Sali Berisha ka rimarrë fjalën në Kuvend menjëherë pas rinisjes së seancës, që u ndërpre për pak minuta për shkak të tensioneve të krijuara në sallë nga opozita.

Berisha akuzoi mazhorancën në Kuvend se prej 4 muajsh ka shkelur të drejtën e opozitës, duke paralajmëruar se kjo gjë duhet të marrë fund nëse duan që në kuvend të ketë paqe.

“Ka 4 muaj që shtypni të drejtën tonë për mocion në rezolutë për denoncimin e gjenocidit serb në Kosovë. Kjo situatë duhet të marrë fund nëse doni paqe në Parlament. Jemi përpjekur me durim shumë të madh të kërkojmë zbatimin e rregullores. Sot merr fund kjo. Ju garantoj, siç u zotova më 12 nëntor, se në këtë mënyrë do jetë populli opozitar që do flasë në këtë sallë. Nuk pranojmë të shkelmohemi nga askush. Na vjen turp që jemi me ju në Parlament, por vijmë këtu për shqiptarët. Dua t’i them Edi Ramës se mund të të japim çdo lloj përgjigjeje”, tha Berisha.

LEXONI GJITHASHTU:

• “Ja i paudhi”, Berisha bllokon foltoren, reagon Spiropali
• Tensione në Kuvend| Garda pas Berishës, Felaj ndërpret seancën