Sot nuk do të ketë takim mes Kurtit e Escobar në Kosovë

I dërguari amerikan për Ballkanin Perëndimor, Gabriel Escobar do të zhvillojë këtë të hënë një vizitë zyrtare në Kosovë.

Klan Kosova raporton se ai nuk do të takohet sot me kryeministrin e vendit, Albin Kurti.  Lajm i është konfirmuar nga zëdhënësi i qeverisë, Përparim Kryeziu.

“Nuk ka takim të paraparë për sot”, është shprehur Kryeziu.

Me emisarin amerikan për Ballkanin Perëndimor, Gabriel Escobar pritet të takohen sot kreu i LDK-së, Lumir Abdixhiku, kreu i AAK-së, Ramush Haradinaj si dhe kreu i PDK-së, Memli Krasniqin.

Mësohet se këto takime do të zhvillohen në rezidencën e ambasadorit amerikan, Jeff Hovenier.

LEXONI GJITHASHTU:

• ​Escobar sot në Kosovë, takim me krerët e shtetit
• Lajçak dhe Eskobar pritet të vizitojnë Prishtinën në fillim të shkurtit