Spahiu: Berisha erdhi në pushtet me 1 milion vota por dje kishte 100 protestues

Juristi Kreshnik Spahiu komentoi në një intervistë për Euronews Albania masën e sigurisë së kërkuar nga SPAK për Sali Berishën dhe procesin e nisur ndaj tij për korrupsion pasiv.

Sipas Spahiu, Sali Berisha aktualisht është i braktisur nga të gjithë, edhe nga mbështetësit, gjë që u duk më së miri në protestën e thirrur prej tij një ditë më parë ku nuk ishin mbledhur më shumë se 100 vetë.

“Atje nuk ishte asnjë nga themeluesit e PD, nuk ishin qytetarët, pronarët, ish të përndjekurit, ish- ministrat, nuk ishte askush, as familjarët e tyre, sikur 10 familjarë të nxirrte çdo deputet. Dje edhe në një xhenaze në një fshat kur vdes kryeplaku nuk mblidhen aq pak njerëz. Berisha nuk ka qenë kurrë më i vetmuar, një njeri që u votua nga 1 mln njerëz u katandis në 120, as shoqata e peshkatarëve nuk mbledh aq pak njerëz. Është trishtuese të ndjekësh fundin dhe shkërmoqjen e forcës kryesore politike që ishte PD, dhe kjo është braktisje për një individ, se populli opozitar është më i madh se ç’mendoni”, tha Spahiu.

LEXONI GJITHASHTU:

• Berisha sulmon Gjykatën Kushtetuese: Është shndërruar në një seksion mjeran të Ramës
• Çfarë do të ndodhë me Rithemelimin pas masës së arrestit? Flet Sali Berisha