Spahiu: Rama i pafuqishëm të mbrojë të vetët, ndaj thotë që PS s’është zyrë avokatie

Juristi,Kreshnik Spahiu, ishte i ftuar këtë të mërkurë në një lidhje të drejtpërdrejtë me emisionin “Now” në Euronews Albania, ku foli në lidhje me arrestimet e SPAK në radhët e zyrtarëve të lartë socialist.

Spahiu theksoi se kryeministri Rama është i pafuqishëm t’i mbrojë “të vetët” përballë drejtësisë së re dhe ndaj deklaron se Partia Socialiste nuk është zyrë avokatie për askënd.

Ai theksoi se në momentin që kryeministri u mundua të përdorte partinë për të mbrojtur ish-ministrin Saimir Tahiri, hyri në konfrontim me amerikanët dhe u detyrua që më pas t’a “lëshonte”.

“Unë dyshoj shumë që vetë Edi Rama të ketë dorë që t’i procedojë të gjithë këta njerëz. Unë mendoj që Edi Rama në këtë moment është i pafuqishëm që t’i mbrojë ata. Kjo është arsyeja që deklaron që PS-ja nuk është studio avokatie sepse Edi Rama kur ka dashur të bëjë studion e avokatisë në partinë e vet e ka bërë dhe Partia Socialiste publikisht para kamerave u bë studio avokatie për Saimir Tahirin dhe refuzoi Prokurorinë për ta arrestuar.

E lëshuan sepse hyri në një konfrontim me amerikanët. Doni t’ua kujtoj dhe ku? Doli në një hotel dhe deklaroi, këta ambasadorë që nuk jua vë në pullë njeri në vendin e tyre vijnë na bëjnë karshillëk këtu. Pas një jave ia tendosën dhe nuk ia tendosi Edi Rama, por përfaqësuesit amerikanë shkonin në çdo seancë gjyqësore,” – u shpreh Spahiu.

LEXONI GJITHASHTU:

• Kreshnik Spahiu: Edi Rama të mbajë premtimin! Doli me ekip si Ismail Qemali
• Spahiu: Ahmetaj rrezikon 10 vjet pas hekurave, ja ku ndryshon me Saimir Tahirin