SPAK kërkoi leje për arrestimin e Berishës, kur do të mblidhet Këshilli për Mandatet

Ditën e hënë në datën 18 dhjetor do të mbahet mbledhja e Këshillit për Rregulloren, Mandatet dhe Imunitetin, për shqyrtimin e kërkesës së SPAK për dhënien e autorizimit nga Kuvendi për arrestimin e ish-kryeministrit Sali Berisha.

Në mbledhje do të diskutohet heqja e imunitetit për Berishën. Kërkesa e SPAK erdhi pasi Berisha nuk respektoi masën e mëparshme të sigurisë “detyrim paraqitje” të vendosur ndaj tij me akuzën për korrupsion në procesin e privatizimit të ish-kompleksit Partizani.

Njoftimi:

Të nderuar kolegë,

Mbledhja e Këshillit për Rregulloren, Mandatet dhe Imunitetin për shqyrtimin e kërkesës së Prokurorisë së Posaçme Kundër Korrupsionit dhe Krimit të Organizuar për dhënien e autorizimit nga Kuvendi për arrestimin/heqjen e lirisë së deputetit Sali Berisha, nëpërmjet zëvendësimit të masës së sigurimit, do të zhvillohet në datën 18.12.2023, ora 12.00, në Kryesinë e Kuvendit.

(Urdhër nr. 69, datë 12.12.2023, i Kryetares së Kuvendit, znj. Lindita Nikolla).

LEXONI GJITHASHTU:

• SPAK kërkon autorizim për ndryshimin e masës së sigurisë për Sali Berishën
• SPAK kërkoi masë arresti, Berisha: Unë mbrojta Parlamentin, ndaj refuzova gjykatën