SPAK ka nisur hetim pasuror për ish-deputetin e PS-së, Alqi Bllako.
Institucioni i akuzës ka kërkuar informacion në bankat e nivelit të dytë për të verifikuar llogaritë bankare që mund të ketë Bllako.
Sipas burimeve pranë SPAK mësohet se shkresa për të verifikuar pasuritë e Bllakos janë dërguar edhe në institucionet e agjencitë e pronave, për të parë nëse ka pasuri në emër të ish deputetit dhe familjarëve të tij.
Hetim pasuror është duke u kryer edhe për ish-ministrin Lefter Koka.
Alqi Bllako dhe ish-ministri i Mjedisit Lefter Koka dyshohet se kanë falsifikuar dokumentin për llojin e tokës ku do të ndërtohej inceneratori i Fierit. Ata ia kanë paraqitur qeverisë sikur ndërtesa e inceneratorit do të bëhej në tokë truall.
SPAK ka provuar se ajo është ndërtuar në tokë arë, vlera e së cilës është më e lirë. Ky falsifikim i ka sjellë buxhetit të shtetit një dëm prej rreth 140 mijë eurosh.
LEXONI GJITHASHTU:
- VIDEO | Me pranga në duar, momentet kur Alqi Bllako del nga gjykata
- Gjykata lë në burg Bllakon, avokati: Nuk ka firmosur asnjë dokument
- “Policia humbi kontrollin”, thotë ish-ministri për arrestimin e Bllakos
