Zbardhjen e dyshimet se ish-kryetarja e LSI-së, Monika Kryemadhi është paguar nga biznesmenë rus të naftës, kryeministri Rama e cilësoi si emergjencë kombëtare.

Gjatë konferencës për shtyp me përfaqësuesin e Bankës Botërore në Shqipëri, Emanuel Salinas, Rama kërkoi nga organet e drejtësisë të nisin menjëherë hetimet, duke ironizuar edhe hetimet e bëra nga SPAK më herët.

“Kjo përzierje me konto dhe me ofshore dhe me lidhje kanalesh që çojnë para në drejtim të parive që këtu duan të sjellin lirinë është një problem shumë i madh të cilin drejtësia duhet ta trajtojë me urgjencë. Me rëndësi janë edhe arkat me peshk, edhe ato nuk duhet marrë dhe duhen dënuar, por kjo nuk është më punë peshqish, por peshkaqenësh që kanë hyrë në territorin e vendimmarrjes”,-tha kryeministri Rama.

Kërkesë të cilën e përforcoi edhe deputeti Petro Koçi nga Selia e Partisë Socialiste

“Drejtësia e re duhet të japë përgjigje të shpejtë dhe propocionale këtij shqetësimi publik, sepse kjo është një çështje urgjence për sigurinë tonë kombëtare. Drejtësia duhet të adresojë menjëherë implikimin e një deputeteje, të një vendi anëtarë të NATO-s në financimet ruse. Drejtësia nuk duhet të humbasë kohë teksa të dhënat e mediave ngrenë dyshime të forta se oligarkët rusë kanë shtrirë duart në vendimmarrjet publike”, -tha Petro Koçi.

Deputetja e Partisë së Lirisë dyshohet se është financuar nga kompani ofshore të lidhura me biznesmenë rusë të naftës, akuza të cilat vet ajo i ka mohuar.

LEXONI GJITHASHTU:

• Rama-Berisha “përplasen” me podkaste| Beteja jo më vetëm në parlament
• “Kontrollet në pronat e Ahmetajt”, Balla flet për akuzat ndaj ish-ministrit
• A do të arrestohet Donald Trump? Ish-presidenti del sot para gjykatës në Nju Jork