Spanja publikon listën e lojtarëve për Euro2024, afron 5 katalanas dhe 3 “galaktikë”

Spanja ka publikuar listën paraprake të Euro 2024, ndërsa tekniku Luis de la Fuente ka ftuar plot 20 lojtarë, 3 më tepër nga shifra zyrtare e Euro 2024. Duke nisur nga katërkëndëshi bëhet fjalë për 3 portierë, 9 mbrojtës, 9 mesfushorë dhe 8 sulmues, mes tyre dhe Joselu, i cili zhvilloi një super paraqitje përballë Bayernit të Mynihut në gjysmëfinale të Champions.

Një risi sa i përket portës është padyshim thirrja e Alex Remiro, në mbrojtje i riu Cubarsi si dhe ftesë ka pasur dhe për Vivian lojtari i Bilbaos. Aleix Garcia e Baena janë surprizë në mesfushë, ndërsa në sulm thërritet Ayoze Perez, i cili ka luajtur më herët vetëm për 21-vjecarët e Spanjës. Jashtë janë lënë Pedro Porro i Tottenham apo dhe Gutierrez nga Girona.

Raya, Simon e Remiro në portë, më pas mbrojtja me Laporte, Cubarsi, Normand, Nacho, Carvajal, Grimaldo, Navas, Vivian e Cucurrella. Rodri do të udhëheqë mesfushën së bashku me Zubimendin, Merino, Ruiz, Pedri, Fermin, Garcia, Baena e Llorente. Morata është i padiskutueshëm në repartin ofensiv me Yamal, Williams, Olmo, Oyarzabal, Joselu, Ferran e Ayoze Perez. Spanja bën pjesë në grupin e Shqipërisë në Europian, së bashku me Kroacinë e Italinë, ndërsa ndeshja ndaj kuqezinjve është e fundit në kalendar.

LEXONI GJITHASHTU:

• Toni Kroos do tërhiqet nga futbolli pas Euro 2024
• Gjermania publikon listën paraparake për Euro 2024, nuk mungojnë surprizat