Studentët që kanë kaluar COVID në 3 muajt e fundit mund të futen në auditorë, thotë drejtorja e vaksinimeve

“Ata që kanë 1-3 muaj që ka kaluar COVID mund të shkojë në auditorë të pavaksiuar”, kështu u shpreh për Euronews Albania, Drejtuesja e Programit të Vaksinimeve në Institutin e Shëndetit Publik, Erida Nelaj.

Ajo shtoi se këta studentë duhet të kenë me vete diokumentin që  kanë qenë pozitiv në këtë kohë.

Ai theksoi se pas 3 muaj, të gjithë studentët që kanë kaluar COVID, mund të injektohen me vaksinën anti-COVID.

“Studentët duhet të drejtohen tek Drejtoritë e Shëndetit Publik për të marrë një vërtetim që kanë kaluar COVID”, theksoi znj. Nelaj.

Ajo tregoi edhe shifrat e vaksinimit, ku tha se  40% e popullatës mbi 18 vjeç ka marrë një dozë të parë të vaksinës dhe 32% e kësaj popullate ka marrë dozën e dytë.

“Mbi 89% e personelit shëndetësor e vaksinuar. Arsimtarët janë kryesisht tek dozat e dyta”, u shpreh ajo teksa shtoi se deri më tani janë vaksinuar 24% e studentëve nga 18-30 vjeç.

LEXONI GJITHASHTU:

• BE njeh certifikatat e vaksinimit anti-COVID të Shqipërisë
• Një pjesë e studentëve kundërshtojnë vaksinimin e detyruar