Stuhi në Evropën Perëndimore, reshje dhe përmbytje në Gjermani e Belgjikë

Stuhi të dhunshme kanë përfshirë Evropën Perëndimore, me shira të dendura që kanë shkaktuar përmbytje në Gjermani dhe Belgjikë.

Në Gjermani, moti ekstrem vjen pas ditës më të nxehtë të vitit të përjetuar në vend, me temperaturat që arritën deri në 36.5 gradë.

Pikërisht i nxehti intensiv shkaktoi shiun e dendur dhe stuhitë në mbarë Gjermaninë, me landet Rehni Verior Vestfalia, Saksonia e Ulët, Bavaria dhe Baden Vyrtemberg që janë prekur më së shumti.

Shërbimet e emergjencës u mobilizuan që të përballeshin me situatën. Në Bavari, shërbimi zjarrfikës u angazhua pasi një tren u përplas me një pemë të rrëzuar.

Në Belgjikë, autoritetet kanë dhënë alarmin ngjyrë portokalli për ardhjen e stuhive në provincat Limburg dhe Liezh, ndërsa në pjesën tjetër të vendit niveli i alarmit mbetet në ngjyrën e verdhë.

Instituti Meteorologjik Mbretëror ka deklaruar se rekordi i shirave të gushtit është thyer dhe se rrugë të shumta janë mbyllur në Bruksel dhe Antverp për shkak të vërshimeve.