Sula: Do të ketë sërish ngjarje si në Himarë, bandat influencojnë pushtetin

Për deputetin e Partisë Demokratike, Dashnor Sula ngjarje të tilla si ajo ditën e djeshme në Himarë, ku një 7-vjeçare u përplas për vdekje nga një skaf, do të përsëriten edhe në forma të tjera.

Kjo sipas tij, pas bandat dhe grupet kriminale kanë influencë në pushtetin qendror, por edhe vendor.

“Në Shqipëri nuk të bën më përshtypje asgjë. Të jeni të sigurt, që përsëri do të pasojnë fakteqësisht, ngjarje të tjera në të gjitha kuptimet. Në Shqipëri ngjarjet janë aq të dhimbshme, duke pasur ngjarjet kriminale që ndodhin çdo javë dhe kjo nuk është e rastësishme.

Grupet kriminale apo bandiat e organizuara që veprojnë në  Shqipëri nuk luftojnë vetëm me njëri-tjetrin, por kanë ngritur edhe influencën në pushtetin qendror apo vendor”, u shpreh Sula në një intervistë për “Euronews Albania”.

Një ngjarje e rëndë ndodhi mesditën e së martës në plazhin e Potamit në Himarë, ku një fëmijë e mitur u përplas për vdekje teksa ishte në breg, nga një skaf i cili drejtohej nga shtetasi Arjan Tase.

Ai mbante detyrën Shef Seksioni i Policimit në Komunitet në Komisariatin e Policisë Elbasan dhe pas kësaj ngjarjeje, është përjashtuar nga Drejtori i Përgjithshëm i Policisë së Shtetit, Gledis Nano.

Arjan Tase humbi kontrollin e mjetit lundrues dhe përplasi për vdekjen fëmijën në bregun e detit. Mbi të është ngritur akuza e vrasjes nga pakujdesia dhe pritet që brenda 48 orësh të njihet edhe më masën e sigurisë në gjykatën e Vlorës.

LEXONI GJITHASHTU

• Tragjedia në Himarë, Meçollari: Strukturat s’kanë motivim për zbatimin e ligjit
• Ish-polici Arjan Tase do hetohet për vrasje nga pakujdesia
• Askush nuk guxonte të nxirrte trupin e të miturës, gazetarja rrëfen tmerrin