Gazetari Sokol Brahaj tha në një intervistë për Euronews Albania se sipas autoriteteve turke sulmi terrorist i djeshëm në Ankara është shkaktuar nga organizata PKK.

Sipas tij sulmi i ndodhur në selinë e aviacionit në Ankara, ka ardhur pasi në orët e para të ditës së djeshme , ushtria turke ka bombarduar 32 vende të organizatës PKK në veri të Irakut dhe të Sirisë.

“Ky akt terrorist i përket organizatës terroriste PKK e cila ka bërë 40 vitet e fundit shumë akte terroriste në Turqi, por dje ishte nja nga aktet terroriste shumë të mëdha, pasi ishte në zemër të Turqisë. Dyshimet janë se ka qenë kjo organizatë, pasi ditën e djeshme pas mesnate, me urdhrin e inteligjencës turke, ushtria turke ka bombarduar 32 vende të organizatës PKK në veri të Irakut dhe të Sirisë”,-tha Sokol Brahaj.

Gjithashtu gazetari tha se pas këtij sulmi terrorist Turqia ka bllokuar të gjitha mediat sociale dhe ka ndaluar qarkullimin e informacioneve jo zyrtare.

“Një orë e gjysmë pas sulmit terrorist në Ankara. Turqia me një urdhër të Gjykatës së Ankarasë i ka bllokuar të gjitha mediat sociale Youtube, X, Instagramin, TikTok dhe të dhënt dalin vetëm nga publikimet zyrtare. Gazetarët tanë nëse thonë gjëra jo zyrtare, ka dënime shumë të forta ndaj çdo gjë kalon nga burimet zyrtare”,-tha gazetari.

LEXONI GJITHASHTU:

• Sulmi terrorist në Ankara, liderët botërorë solidarizohen me Turqinë
• Çfarë dihet nga sulmi terrorist në selinë e Industrisë Hapësinore në Turqi