Sulmi terrorist, gazetari: Ja arma misterioze “204” e ushtrisë së Serbisë

Gazetari i Euronews Albania Kosovë Gjoci solli në emisionin Now në Euronews Albania detaje nga sulmi i armatosur ndaj policisë së Kosovës të dielën në Banjskë.

Ai tregoi se numri i gjetur në një nga armët e sekuestruara grupit terrorist është interpretuar nga ministri i Brendshëm si lidhje me ushtrinë serbe.

“Gjatë orëve të pasdites ministri i Brendshëm Xhelal Sveçla ka postuar një lajm sa i përket hetimeve që kanë përfunduar që mbrëmë dhe fshati është hapur për qarkullim. Sveçla ka bërë me dije se ka pasur prova të reja që janë gjetur, përfshirë dokumente  që dëshmojnë se ushtria serbe ka gisht në atë që ka ndodhur të dielën me grupin e armatosur që sulmoi policinë  e Kosovës. Sipas asaj që është thënë nga Sveçla numri 204 i gjetur në një nga armët është shifër që i takon armatimit zyrtar të ushtrisë serbe, janë numra që identifikojnë armë të ushtrisë serbe”, tha gazetari Gjoci.

LEXONI GJITHASHTU:

• Krasniqi: U cenua sovraniteti, PDK mbështetje të plotë institucioneve të Kosovës
• Deklaratat e Ramës për Kosovën, gazetarja: Ndër më të fortat e të rrallat që ka bërë