Sulmohet me mjet shpërthyes policia e Kosovës në Mitrovicën e veriut

Policia e Kosovës është sulmuar me mjet shpërthyer në Mitrovicën e veriut.

Ngjarja ka ndodhur rreth orës 02:20, gjatë natës, në rrugën “Ivo Llola Ribar”, tek qendra e kontrollimit teknik të automjeteve.

Përmes një njoftimi policia tha se në drejtim të zyrtarëve policor që ndodheshin në detyrë zyrtare (njësia në pikë statike), nga persona deri tani të panjohur është hedhur një mjet i dyshuar shpërthyes.

Bazuar në informacionet fillestare dyshohet se mjeti i dyshuar shpërthyes i hedhur në drejtim të zyrtarëve policorë është Shok Bombë.

Lidhur me rastin është njoftuar edhe Prokurori i shtetit i cili ka nisur hetimet lidhur me rastin për ’Sulm ndaj personit zyrtar’.

LEXONI GJITHASHTU:

• Arrestimi në veri të Kosovës, reagon Lista Serbe
• Plagosi policët në Kosovë dhe dogji makinat në Veri, arrestohet 35-vjeçari