Superliga shqiptare, Bardheblutë mposhtën Egnatian 2-1, Partizani ‘bie’ në Laç

Superliga shqiptare ka zhvilluar të shtunën dhe të dielën 5 përballjet e vlefshme për javën e 29. Tirana ka mposhtur Egnatian, ndërsa Partizani i vendit të dytë është mposhtur në Laç 3-2. Në përballjet e tjera, Vllaznia ka barazuar pa gola me Kukësin, Erzeni me shifra të bardha ndaj Kastriotit dhe Bylis-Teuta 2-2.

Një javë tejet interesante në elitën e futbollit shqiptar, me bardheblutë e Orges Shehi të cilët synojnë fitimin e titullit kampion. Tirana zhvilloi një përballje të vështirë ndaj Egnatias, të fituar me përmbysje 2-1. Miqtë kaluan të parët në avantazh me Kasën, dnërsa dopieta e Abazajt vulosi triumfin.

Ndjekësi më i afërt i Tiranës, Partizani është ndalur nga kurbinasit, me Laçin që regjistroi një fitore të madhe me rezultatin 3-2. Guindo ishte njeriu i ndeshjes për bardhezinjtë, të cilët e shohin veten në vendin e pestë me 39 pikë.

Vllaznia ka hedhur një hap fals në Kukës, ku barazoi pa gola me verilindorët. Të njëjtin rezultat regjistroi dhe Erzeni në shtëpi ndaj Kastriotit, ndërsa 2 golat e Lorenco Vilës i dhanë Teutës 1 pikë në Ballsh.

LEXONI GJITHASHTU:

• Karnavalet e Nartës, Festa pagane që pason Pashkën ortodokse
• Basti i Simone Izaghit, zikaltrit të pakënaqur me trajnerin
• Ylli i futbollit amerikan vritet në festën e ditëlindjes së motrës së tij