Sveçla: Lirimi i policëve lojë tjetër e Serbisë, çfarë po kërkon të shmangë

Ministri i Brendshëm i Kosovës Xhelal Sveçla ka dhënë një intervistë ekskluzive për Euronews Albania pas lirimit të policëve të Kosovës nga burgu në Serbi.

Teksa ka falenderuar të gjithë ata që kanë mbështetur Kosovën, ministri theksoi se Serbia i liroi për të shmangur pranimin e fajita për agresionin që bëri me rrëmbimin e oficerëve.

Më tej ai bëri me dije se policët për pak ditë do të kthehen në Kosovë.

“Dua të falenderoj të gjithë ata që kontribuan në lirimin e policëve tanë që u rrëmbyen ndërsa ishin në kryet të detyrës. Vetë lirimi i përngjan një loje të re të Serbisë për të shmangur pranimin e fajit të agresionit të tyre. Procesi nuk ka përfunduar, por policët tanë janë liruar në mënyrë që të dëshmojnë pafajësinë e tyre. Serbia ka kryer agresion, ka rrëmbyer policët tanë, i ka futur në Serbi dhe i ka mbajtur për 12 ditë. Policët do të kthehne për pak ditë në Kosovë”- tha ai.

LEXONI GJITHASHTU: 

• Situata në Veri të Kosovës, Dauti: Pse Britania është në të njëjtin qëndrim me SHBA
• Si u liruan 3 policët e Kosovës? Avokati: Vuçiç mori urdhra të prerë nga SHBA