Sveçla: Në veri të Kosovës u konfiskuan 6.300 municione të kontrabanduar nga Serbia

Ministri i Brendshëm i Kosovës, Xhelal Sveçla ka reaguar pasi policia ka njoftuar se në Leposaviç ka arrestuar një qytetar serb, në automjetin e të cilit janë gjetur dhe konfiskuar mbi 6300 fishekë.

Përmes një postimi në rrjetet sociale, Sveçla u shpreh se grupe të caktuara, të orkestruara dhe mbështetura nga Beogradi synojnë dhe angazhohen maksimalisht që të destabilizojnë vendin tonë.

“Përderisa Vuçiç flet për armatosje të Serbisë, në veri të Kosovës konfiskohen 6.300 copë municion të kontrabanduar nga Serbia. 6.300 sasi të municionit janë konfiskuar sot nga Njësiti i Ndërhyrjes së Shpejtë të kufirit në Joshanicë, në veri të Kosovës.

Gjatë patrullimit është ndaluar vetura e dyshimtë me targa të Serbisë e një shtetasi serb dhe njësitet relevante tashmë kanë ndërmarrë veprimet e nevojshme”, shkroi Sveçla në Facebook.

LEXONI GJITHASHTU

• Kurti: T’i përmbahemi propozimit evropian, jo interesit të njërës palë
• Provokon artistja/ Pikturon Kurtin dhe Vuçiçin duke u puthur në buzë, mesazhi që jep
• “Sovraniteti i Kosovës nuk preket”| Presidenti Begaj takon Osmanin dhe Kurtin