Tabaku zbulon “përplasjet” me PS për Kosovën: Ata ndryshuan komplet qëndrim sepse…

Deputetja e Partisë Demokratike, Jorida Tabaku tha në një intervistë për Euronews Albania se rezoluta e propozuar nga PD ishte e njëjtë me atë të parlamentit të Kosovës.

Tabaku u shpreh se PS prezantoi një rezolutë që për PD ishte e papranueshme, ndaj rezoluta e paraqitur sot në kuvend është krejtësisht tjetër, pasi PS është tërhequr nga qëndrimet e saj.

“Fjalia e parë e rezolutës është që jemi totalisht në mbështetje të rezolutës së Kosovës, për të mos përsëritur të njëjtën gjë dhe dy paragrafë të tjerë, që ishte koordinimi i institucioneve të Shqipërisë me ato të Kosovës dhe vazhdimi i dialogut si e vetmja rrugë për t’u njohur nga të gjitha shtetet. Ne dështuam se nuk u mblodhëm menjëherë për ta dënuar aktin e Serbisë ndaj Kosovës, na u desh tre javë që të arrijmë në këtë proces, pasi s’e kemi bërë një akt politik në mbështetje të Kosovës”, tha Tabaku.

LEXONI GJITHASHTU:

• Rama: Serbia e ka humbur luftën me Kosovën, Vuçiç do e takoj kur të jetë e nevojshme
• Seanca për Kosovën në Kuvend, Çollaku: Rezoluta juaj fyese, tekst i heshtjes