Tafaj: Emri i trajnerit të ri të Kombëtares do bëhet publik shumë shpejt

Specialisti i futbollit, Alban Tafaj thotë se shumë shpejt, do të bëhet publik emri i trajnerit të ri të Kombëtares.

Në një intervistë për Euronews Albania, Tafaj la të kuptohet se trajneri mund të jetë italian.

Sipas tij, nuk është ende momenti i duhur që drejtimin e Kombëtares ta marrë një trajner shqiptar.

“Trajnerin do ta kemi shumë shpejt, emri i trajnerit do dalë për pak ditë, do thuhet para vitit të ri besoj, kështu ka qenë edhe premtimi i presidentit. Mund të jetë linja e italianëve seopse ato janë më afër futbollit tonë.

Shqiptarë ka goxha të mirë, por po të pyesësh mua, nuk është akoma koha. Jemi një vend që ndërhyjmë në çdo gjë. Është e pamundur që një trajner të jetë i qetë në punën e ekipit kombëtar”, theksoi ai.

LEXONI GJITHASHTU

• Bajerni i Mynihut shfaq interes për portierin e Argjentinës
• Kombëtarja e Argjentinës detyrohet të largohet me helikopter nga festimet
• Kupa e Botës | E marta ditë feste në Argjentinë, 1 milion qytetarë në sheshe