Takimi Kurti-Vuçiç, i pranishëm në Bruksel edhe i dërguari amerikan Gabriel Escobar

Emisari i Departamentit të Shtetit për Ballkanin Perëndimor, Gabriel Escobar do të qëndrojë sot gjatë ditës në Bruksel ku edhe do të zhvillohet takimi i nivelit të lartë në mes të kryeministrit të Republikës së Kosovës, Albin Kurti dhe kreut të shtetit serb Aleksandër Vuçiç.

Kjo është konfirmuar përmes një njoftimi për media që tregon për konferencën për media që Escobar do ta mbajë nesër e në të cilën do të flasë për takimet që ai do të zhvillojë sot dhe për atë që do të prodhojë takimi Kurti-Vuçiç.

Në konferencën për media Escobar do të flasë për të gjitha takimet e nivelit të lartë që ai ka marrë pjesë deri tani.

Takimi që ka nisur në orën 18:00 është i pari i nivelit të lartë politik pas pajtimit në Ohër për rrugën e zbatimit të marrëveshjes që u arrit më 27 shkurt në Bruksel.

LEXONI GJITHASHTU:

• Kurti dhe Vuçiç miratojnë Deklaratën për të Zhdukurit
• “Drafti i asociacionit i papranueshëm”, Osmani: Kosova të shkojë me propozimin e vet