Takimi me Manjën, Yuri Kim: Lufta kundër korrupsionit, interes i sigurisë kombëtare

Ambasadorja amerikane në Tiranë, Yuri Kim është takuar ditën e djeshme me ministrin e Drejtësisë, Ulsi Manja.

Lajmin e ka bërë të ditur ambasada amerikane, ku ka theksuar se takimi është zhvilluar për të shqyrtuar progresin në zbatimin e reformës në drejtësi dhe rëndësinë e saj për aspiratat e Shqipërisë në BE.

Kim ka vënë theksin tek lufta ndaj korrupsionit, që konsiderohet si kërcënim për sigurinë dhe barazinë ekonomike.

“Yuri Kim u takua dje me ministrin e Drejtësisë Ulsi Manja për të shqyrtuar progresin në zbatimin e reformës në drejtësi dhe rëndësinë e saj për aspiratat e Shqipërisë në BE. Ambasadorja përsëri theksoi se Presidenti Biden në qershor 2021 identifikoi luftën kundër korrupsionit si një interes thelbësor i sigurisë kombëtare sepse kërcënon sigurinë, barazinë ekonomike, zhvillimin dhe demokracinë. Takimi i paraprin pjesëmarrjes së ministrit Manja në Konferencën e 20-të Ndërkombëtare Kundër Korrupsionit (IACC) në Uashington, DC, 6-10 dhjetor”, thuhet në njoftimin e ambasadës amerikane në Twitter.

1/2 @USAmbAlbania Yuri Kim met Justice Minister Ulsi Manja yesterday to review progress in the implementation of justice reform and its importance for Albania’s EU aspirations. The Ambassador again highlighted that President Biden in June 2021 identified the fight against… pic.twitter.com/OTQtZvfV5q

— USEmbassyTirana (@USEmbassyTirana) November 23, 2022

LEXONI GJITHASHTU

• Peleshi për përmbytjet: Situata drejt përmirësimit në Shkodër dhe Lezhë
• SKEMA e abuzimeve për inceneratorin e Fierit, roli i Alqi Bllakos
• Situata e përmbytjeve në Shkodër, gazetari: Çdo gjë po shkon drejt normalitetit