“Taksat vidhen”-Shehaj: S’është zgjidhje që qytetarët të blejnë pajisje për spitalin

Deputeti i Partisë Demokratike dhe kreu i Partisë Mundësia, Agron Shehaj, është shprehur se nuk është zgjidhje që qytetarët të mbledhin para dhe të blejnë pajisjet që mungojnë në spitale.

Komentet Shehaj i bëri në emisionin “Now me Erla Mëhillin” në Euronews Albania, ku tha se duhet të merret qeveria me këto, por sipas tij, në Shqipëri taksat vidhen.

Ai tha se diçka të tillë e kishte bërë personalisht në kohën e Covid 19, në rast kur dikush kishte nevojë për një pajisje mjekësore, por këmbënguli se nuk është kjo zgjidhja për gjithë popullin.

“Unë nuk dua të flas për rastin tim personal, sepse një gjë të ngjashme e kam bërë personalisht në kohën e Covid ndaj dikujt që ka pasur nevojë, por nuk dua të flas për këtë. Por nuk mund të presim tani që të mblidhen qytetarët dhe të rregullojnë ose blejnë pajisjen e spitalit, duke e ditur shumë mirë që paratë e taksave vidhen. Kur e dimë që pjesa më e madhe e parave vidhen, tani mirë që vjedhin paratë e taksave, por të fusin e duart në xhep e të themi që është faji i qytetarëve që nuk janë mbledhur për të blerë një pajisje”, tha Shehaj.

LEXONI GJITHASHTU:

‘Onkologjiku’| Lëvizjet e mjekut brenda gjykatës, si ja futi vrapit sa pa gazetarët

“Mbyllën sytë, por disa kanë vdekur”, gazetari: Pse nuk paditi KLSH për Onkologjikun