Tanket ruse mbërrijnë në qytetin e dytë më të madh të Ukrainës

Tanket ruse kanë mbërritur në Kharkhiv, që është qyteti i dytë më i madh në Ukrainë, pas Kievit.

BBC raporton se ka të dhëna të konfirmuara nga një zyrtar ukrainas për mbërritjen e tankeve në Kharkhiv.

Ndërsa Perëndimi po paralajmëron prej muajsh për një pushtim të mundshëm rus të Ukrainës, sulmi rus i të enjtes “po ndodh shumë shpejt”.

Ukraina ka ndërprerë zyrtarisht marrëdhëniet diplomatike me Rusinë dhe po shpërndan armë për këdo qytetar që do të mbrojë vendin.

Kjo, në kohën kur presidenti rus i bëri thirrje Ukrainës që të mos mobilizohet ushtarakisht.

Rusia sulmoi ushtarakisht Ukrainën mëngjesin e të enjtes. Prej sulmeve humbën jetën dhjetëra njerëz.