Të bësh humor me vdekjen për klikime, pastori e sipërmarrësja nuk bien aspak dakord

Baltazar Lemos, 60 vjeç, nga Brazili, njoftoi vdekjen e tij në mediat sociale dhe organizoi një funeral te rremë për miqtë dhe familjen e tij.

Pastori Ylli Doçi dhe sipërmarrësja Artenisa Ozaj diskutuan në emisionin “Good Mornings Albanians” në Euronews Albania, lidhur me faktin që a mund të bëhet humor me vdekjen për klikime në rrjetet sociale.

Pastori Doçi u shpreh se nuk mund të bëhet humor me vdekjen, teksa sipërmarrësja nënvizoi se 60-vjeçari e bëri thjesht për të parë nëse miqtë e fakultetit do shkonin në “funeralin” e tij.

Ylli Doçi: Nuk janë situata humori, por nuk është humor. Edhe ajo që ka bërë ai nuk është humor. Njeriu nuk do mësohet kurrë me vdekjen. Narcisizëm e ka emrin kjo. Egoizmi është baza, forma e egoizmit është narcisizmi. Është sëmundje e medias sociale.

Artenisa Ozaj: Patjetër që ai do e mendonte që do t’i shkonin dhe realisht atij i kishin vajtur. Ai e kishte më tepër te shokët e fakultetit. Unë mendoj që e gjithë gjëja ka nisur kur ai ka parë atë që i kanë ardhur vetëm dy persona. Nuk e di nëse do shkoj deri në atë lloj narcisizmi, ajo është thjesht një kuriozitet ku jam unë te ky rrethi i shoqërisë, ku e gjej veten time.

60-vjeçari Lemos drejton një agjensi funerale dhe kjo ide i erdhi pasi në një ceremoni mortore kishin shkuar vetëm 2 veta dhe në këtë mënyrë ai mendoi të bënte “funeralin” e tij për të parë pjesëmarrjen.

LEXONI GJITHASHTU

• 60-vjeçari u shtir si i vdekur, psikologia: E shikoj si një lloj kurioziteti
• Amerikani i mbuluar me flamurin kuq e zi: Dua pasaportë shqiptare
• Fli dhe fasule me suxhuk, të preferuarat e amerikanit të njohur si Klej Zezakaj