“Të ndëshkohet Serbia”, Kurti: Sulmi në Banjskë synonte aneksimin e Veriut

Sanksionet ndaj Serbisë për sulmin në Banjskë janë kusht i Kosovës për dialogun me Serbinë. Kjo është deklarata që ka bërë Albin Kurti në një intervistë për gazetën Financial Times.

 “Nëse nuk ka dënime dhe sanksione ndaj Serbisë pas asaj që ka bërë, definitivisht nuk do të ketë dialog. Nëse nuk ka ndëshkim ne do të përfundojmë në menaxhim të dështuar të krizave dhe do të harrojmë fare për normalizim,” – u shpreh kryeministri i Kosovës.

Deklarata e Kurtit vjen pas njoftimit nga zyrtarët e Bashkimit Europian për zhvillimin e takimit mes liderëve të Kosovës dhe Serbisë për sulmin në Banjskë. Ky është takimi i parë që pas sulmit të paramilitarëve serbë ndaj policisë së Kosovës më 24 shtator.

Kryeministri Kurti është shprehur për median britanike se ky sulm ishte i organizuar dhe synimi ishte aneksimi i veriut të Kosovës dhe krijimi i një konflikti mes dy shteteve.

Kryeministri i Kosovës ka kritikuar dhe emisarin e Bashkimit Evropian për dialogun, Miroslav Lajçak. Ai thotë se politika e tolerimit të Serbisë duhet të marrë fund dhe BE duhet të kuptojë se dialogu nuk mund të zhvillohet me sjelljet jo normale të Beogradit.

Gjithashtu Kurti ka deklaruar se e mirëpret vendimin e NATO-s që të shtojë trupat në Kosovë.

LEXONI GJITHASHTU:

• Kulla: Kurti luajti blofin, as ai nuk do firmoste me Ana Brnabiç
• A do t’i refuzojë Kurti liderët e BE? Eksperti tregon çfarë do të ndodhë në Bruksel