Të rinjtë në Shqipëri nuk janë as në punë dhe as në shkollë. Në të dhënat e fundit të INSTAT për mirëqenien e adoleshentëve për vitin 2021 thuhet se 32% e 20-vjeçarëve nuk ishin në shkollë dhe as në punë.
Ndërkohë grupmosha 20-24 vjeç nuk kanë asnjë formim profesional. Madje nuk nxiten as nga tregu i punës për të siguruar të ardhura.
“Të rinjtë e sotëm janë të edukuar dhe e kuptojnë shumë mirë vlerën që ato kanë, pra të bëjmë një krahasim. Të rinjtë e sotëm e dinë se çfarë duan dhe nuk janë të gatshëm për të pranuar çdo lloj pune vetëm për të marrë një pagesë e cila nuk do t’i mbulojë, të themi, as gjërat më bazike,” – u shpreh ekspertja e punësimit, Eranda Ymerali.
Në vlera të larta mbetet edhe fenomeni i braktisjes së shkollës. 8% e grupmoshës 6-14 vjeç do të jenë analfabetë pa aftësitë bazë. Në fshatra ky problem është edhe më i theksuar.
LEXONI GJITHASHTU:
- Këto janë qytetet që ofrojnë para në këmbim të banorëve të rinj
- Balla takim me të rinjtë: Ndërtojeni Europën në vendin tuaj
