Të shtëna me armë zjarri në Kombinat, identifikohet autori

Të shtëna me armë zjarri janë regjistruar paraditen e kësaj të premteje në zonën e Kombinatit, në Tiranë.

Sipas informacioneve paraprake bëhet me dije se është qlluar nga një automjet në lëvizje, drejt një automjeti tjetër, por pa të lënduar. Policia ka identifikuar autorin e dyshuar dhe po punon për kapjen e tij.

Forcat e policisë ndodhen në terren dhe po punojnë për sqarimin e rrethanave të incidentit.

“Rreth orës 12:10, në rrugën “Petraq Leka” dyshohet se pas një konflikti të çastit për motive të dobëta, është qëlluar me armë zjarri ndaj automjetit me të cilin po lëvizte shtetasi E. K., 37 vjeç. Nga të shtënat nuk ka persona të lënduar.

Specialistët për Hetimin e Krimit të Komisariatit të Policisë Nr. 6 kanë identifikuar autorin e dyshuar të ngjarjes, gjeneralitet e të cilit nuk jepen, për shkak se hetimi vijon.

Po punohet intensivisht për dokumentimin e rrethanave të rastit si dhe kapjen e autorit të dyshuar të ngjarjes”, thuhet në njoftimin e policisë.

LEXONI GJITHASHTU:

• Plagoset 21-vjeçari në Tiranë, arrestohen tre persona
• Në kërkim për plagosjen e dyfishtë në Sarandë, arrestohet në Korçë Ramadan Zoto