“Të vallëzosh me Vjosën”, fotografi Tasho kërkon shtëpi pranë lumit

Duket sikur Vjosa dëgjohej, e sikur valët një prej lumenjve më të egër të Europës klithnin për ndihmë.

Ishte ky emocioni që të falnin pamjet e jetëzuara në foto nga Roland Tasho i cili si një mik i Vjosës ishte bashkuar me nismën për të shpallur park kombëtar vlerën e çmuar të Shqipërisë.

Pas shumë vitesh ku merrte pjesë në aktivitete dhe protesta për mbrojtjen e lumit nga ndërtimi i digave dhe HEC-eve, fotografi kishte mundur të vishte me kostume popullore shqiptare edhe të huaj që kanë ngritur zërin për ruajtjen e Vjosës.

Personazhet e fotografuar nga Tasho ishin të apasionuar pas kërcimit, moment ky ku lindi dhe emri i ekspozitës “Vallëzim me Vjosën”.

“Një fotograf do donte shumë të kishte një studio fotografike ose një minigaleri ndërsa unë do doja shumë të kisha një shtëpizë ku të shikoja Vjosën sepse është një lum i jashtëzakonshëm me një peizazh të mrekullueshëm,” – u shpreh fotografi.

Tasho thotë do të finalizojë punën e tij me një libër dedikuar mbrojtjes së një prej lumenjve të fundit të egër të Europës.

LEXONI GJITHASHTU:

• ‘Qëndruan 3 orë në Vjosë’, zjarrfikësi tregon si i shpëtuan turistët gjermanë
• Lumi Vjosa del nga shtrati, prurja më e madhe e ujit në 50 vitet e fundit