Tejkalohet me një vit afati për të korrigjuar ligjin e pronave

Më 15 shkurt të 2021, Gjykata Kushtetuese rrëzoi pjesërisht ligjin për përfundimin e procesit të kompensimit të ish-pronarëve.

Gjykata shfuqizoi pjesën e nenit 7 të një ligjit të miratuar që në 2015-n, ku parashikohej mënyra e kompensimit fizik dhe financiar të pronarëve, pronat e të cilëve u sekuestruan pas Luftës së Dytë Botërore. 

Në vlerësimin e Kushtetueses, ligji krijonte boshllëqe dhe nënvlerësonte vlerën reale të pronës gjatë procesit të kompensimit si financiar, ashtu edhe fizik. 

Vendimi i Gjykatës Kushtetuese detyron Kuvendin që të plotësojë ligjin gjashtë muaj nga shpallja e tij. 

Vendimi është shpallur më 8 mars të 2021, që do të thotë se deri në fillim të shtatorit 2021, Kuvendi duhej ta kishte plotësuar ligjin, duke reflektuar në të vendimin e Gjykatës Kushtetuese.

Por, detyrimi i vendosur nga Gjykata Kushtetuese nuk është përmbushur. Kuvendi ka shkelur me më shumë se një vit afatin e vendosur nga Gjykata Kushtetuese.

Propozimi për ndryshimin e ligjit është dorëzuar në Kuvend më 4 gusht të këtij viti, por nuk është miratuar ende. 

LEXONI GJITHASHTU:

• Arrestohet vëllai i pronarit të ambientit ku kultivohej drogë, në kërkim 3 persona
• EMRI| Zbulohet pronari i fermës me kanabis në Berat, në të ishin strehuar mbi 50 gra