“Tejkaloi kompetencën e kryetarit të bashkisë”, Barka: Ku gaboi Jorgo Goro

Ish-kryetari i bashkisë Himarë Jorgo Goro i arrestuar disa ditë më parë akuzohet nga Prokuroria e Posaçme për veprat penale “Shpërdorimi i detyrës”, kryer në bashkëpunim, “Falsifikimi i dokumenteve”, më shumë se një herë, dhe “Falsifikimi i vulave, i stampave ose i formularëve”, më shumë se një herë.

Gazetari Panajot Barka tha në një intervistë për Euronews Albania se Goro ka tejkaluar kompetencat e kryetarit të bashkisë duke firmosur një dosje për të ndihmuar një proces në favor të investitorit strategjik.

“Fakti është që në çështjen e dhënies së certifikatave, e drejta i lind vetëm kadastrës, në rastin konkret kryetari i bashkisë nuk ka asnjë kompetencë. Kishte një zyrë kadastrale në bashki që nuk varej nga ai, varej nga kadastra e Vlorë, por që ai mund të ndikonte politikisht. Ai e tejkaloi kompetencën e kryetarit të bashkisë dhe firmosi një dosje për të ndihmuar një proces në favor të investitorit strategjik”, tha Barka.

LEXONI GJITHASHTU:

• Jorgo Goro jep dorëheqjen, e paraqet atë në Këshillin Bashkiak të Himarës
• Rusia thotë se i rrëzoi 18 raketa ukrainase mbi Belgorod