Temperatura deri në 22 gradë, parashikimi i motit për javën

Java që vjen do të dominohet nga moti i qëndrueshëm dhe temperatura e larta sidomos gjatë orëve të mesditës.

Meteorologu i Meteoalb Hakil Osmani tha në emisionin GoodMorning Albanians në  Euronews Albania se duke nisur nga sot do ketë kthjellime deri të mërkurën, gjatë paraditeve, ndërsa pjesa e dytë e javës do ketë më shumë vranësira duke krijuar mundësi për reshje të izoluara në veri dhe veriperëndim.

Temperaturat e mëngjeseve mbeten të freskëta ndërsa në mesditë do ketë anomali të temperaturave ku do kemi temperatura deri në 19 gradë në pjesën e parë të javës ndërsa në pjesën e dytë të javës temperaturat do të shkojnë deri në 22 gradë celsius, sidomos në zonat bregdetare dhe në kryeqytet.

LEXONI GJITHASHTU:

• Moti i keq në Britaninë e Madhe, mijëra banesa mbeten pa energji elektrike
• Acari ‘mbërthen’ botën/ 91 të vdekur nga moti në SHBA, probleme në Evropë e Britani