Tensionet në Kuvend, Saliu: Në kuadër të aksionit të ardhshëm opozitar

Gazetari Gëzim Saliu është shprehur se protesta e deputetëve të opozitës në Kuvend po organizohet në kuandër të aksionit opozitar që pritet të ndërmarrë opozita dhe që sipas tij mund të sjellë edhe protesta.

Komentet Saliu i bëri përmes një lidhjeje në Euronews Albania, ku tha se ish-kryeministri Berisha deri tani po organizon një elektrizim të bazës demokrate, por sipas tij, kjo nuk mjafton, pasi duhet të arrihet te elektorati gri.

Ai shtoi se nëse Berisha do të arrijë të bëjë një hapje të madhe të partisë, do të jetë mënyra e vetme për rikthimin në pushtet dhe nëse kjo nuk ndodh, atëherë sipas tij, do të ketë një rikonfirmim të maxhorancës.

“Sipas burimeve të mia, gjithçka po organizohet në kuadër të aksionit politik që do të ndërmarrë opozita, që do të sjellin edhe protesta të opozitës.

Nga ana tjetër, nuk duhet të harrojmë se një formë e angazhimit të opozitës në kushtet e tulatjes së madhe që kaloi në zgjedhjet e 14 majit, se duhet të jemi të qartë që ato zgjedhje e rrënuan aspiratën e opozitës për të sjellë një frymë tjetër.

Për të sjell pak ndryshim te militantët e partisë, te baza, janë pikërisht këto takime që bën doktori dhe këtë e arrin, arrin të elektrizojë bazën e PD. Por halli i opozitës është te elektorati gri që nuk e votojnë këtë opozitë, por as qeverinë.

Nëse do të shkohet drejt një hapjeje reale të PD, që unë besoj se Doktori mund ta kryej, megjithëse deri tani nuk e ka treguar… Por nëse nuk arrin ta bëjë, atëherë do të kemi një rikonfirmim të maxhorancës”, u shpreh Saliu.

LEXONI GJITHASHTU:

• A do e votosh Berishën për kryetar të PD-së? Përgjigjet Gazment Bardhi
• Bardhi: Kush po financon përçarjen e Partisë Demokratike