Teologu mysliman dhe pastori i krishterë debat për festimin e Vitit të Ri

Është shoqëruar me debate emisioni “Goodmornings Albania” në Euronews, ku të ftuar ishin pastori Ylli Doçi dhe teologu Neki Kalosh.

Temë e emisionit ishte atmosfera festive e Krishtlindjeve dhe Vitit të Ri, si dhe simbolika e festive të fundvitit.

Pastori Doçi tha se simbolika e Krishtlindjeve ka të bëjë me Perëndinë dhe njërëzit dhe është ky fakt që i bën festat edhe më të bukura.

Nga ana tjetër pastori Kaloshi tha se atmosfera e festive të fundvitit është krijuar me vondim politik për shkak të zbukurimit të qyteteve. Ai shprehu dëshirën që qytetet të zbukuroheshin edhe gjatë muajit të Ramazanit.

Pjesë nga debati:

Pastori: Është bukuria e atmosferës së Krishtlindjes që rrëmben zemrën, me të drejtë se është simbolika e Perëndisë me ne. A të pëlqen simbolika e festës së Krishtlindjeve?

Teologu: Unë e mirëkuptoj pastorin. Gjithë bukuria që manifestoi është një realitet, i cili sidomos në vendet e varfra siç jemi ne institucionet i caktojnë një buxhet të caktuar dhe nuk quhet më as Krishtlindje as Vit i Ri, po quhet muaji i festave. E kanë quajtur muaj festiv dhe me vendim politik, nuk është me vendim fetar ky, i gjithë qyteti zbukurohet. Ka shumë të drejtë këtu pastori, se në muajin e madhërishëm të Ramazanit nuk zbukurohet qyteti kështu, do kisha dëshirë që dhe atë muaj të zbukurohej qyteti kështu.