Gazetari Edison Myrteza tha në “Good Morning Albanians” se tërmeti i cili goditi Kinën një ditë më parë është goditja më e fuqishme që Kina ka marrë në 10 vitet e fundit.

Deri më tani janë konfirmuar mbi 100 viktima ndërsa sipas  gazetarit, numri ende nuk është shifra përfundimtare, pasi ekipet e shpëtimit janë ende duke punuar.

“Në këto 10 vite kjo ka qenë goditja më e fuqishme, 6.2 ballë. Kanë qenë rreth 120 persona të paktën në provincën Gansu dhe rreth 12 të tjerë në provincën Çinghai.

Mendohet se shifra mund të ndryshojë se ekipet e shpëtimit rreth 1600 zjarrfikës janë vënë në dispozicion së bashku me policinë, apo edhe më ndihmat lokale, për të parë nëse ka persona të tjerë të cilët kanë humbur jetën apo janë gjallë nëpër rrënoja”,-tha gazetari.

LEXONI GJITHASHTU:

• Mbi 120 të vdekur nga tërmeti në Kinë, 700 të plagosur
• Tërmet katastrofik në Kinë, konfirmohen më shumë se njëqind viktima