English

Tërmeti, rikthehen inspektimet në terren, qytetarët e dëmtuar duhet të paguajë disa shërbime

KOMENTE

SHPERNDAJE
ARTIKULLIN

Text sizeAa Aa

Dy muaj pas tërmetit të 26 nëntorit, qeveria ka vendosur që të ketë një rivlerësim të dëmeve për banesat e dëmtuara rëndë. 

- Advertisement -

Në vendimin e publikuar në fletoren zyrtare sqarohet se për objektet e dëmtuara rëndë nga tërmeti, do të kryhet edhe njëherë inspektimi, por këtë herë kostot e kryerjes së shërbimit do të kalojnë në ngarkim të vetë banorëve.

Qytetarët që banesat e të cilëve janë në shkallën e katërt ose të pestë të dëmtimit u duhet të paguajnë.

-Dokumentim gjeometrik 150 lekë/m2

-Aktekspertiza 40 lekë/m2

-Provat laboratorike 200 lekë/m2

-Studimit të thelluar 300 lekë/m2

-Projekti i ndërhyrjeve rehabilituese 200 lekë/m2 890 lek

Analiza do të  përfshijë studimin gjeometrik, studimin e materialit të përdorur, qëndrueshmërinë sizmike dhe studimin e dokumentacionit.

Kjo aktekspertizë e thelluar, sipas vendimit të qeverisë do t’i vihet në dispozicion Institutit të Ndërtimit për kryerjen e opononencës, ndërsa procesin do ta realizojnë njësitë e qeverisjes vendore.

Ministri i Rindërtimin, z.Arben Ahmetaj pohoi se janë inspektuar 48 mijë banesa, por nuk njoftoi se për banesat e dëmtuara rëndë do të ketë kosto për vetë qytetarët.

Kryeministri i vendit, z.Edi Rama theksoi se qytetarët e dëmtuar duhet të raportojnë dëmet e tërmetit në platformën online për rindërtimin, ndërsa paralajmëroi goditje të fortë për ata persona që do tentojnë të kryejnë abuzime. Shefi i qeverisë tha se është  ngritur një grup i posaçëm, i cili do të kryejë dhe do të verifikojë  çdo deklarim të bërë nga qytetarët mbi pasojat dhe dëmet e tërmetit.

 “Do ndëshkoheni nëse regjistroheni si të pastrehë nga tërmeti njerëz, që nuk kanë lidhje me tërmetin. Kemi ndërtuar një grup që do bëjë këtë punë që nuk e njeh njeri, testime të integritetit të pasqyrës”-u shpreh Kryeministri i vendit, z.Edi Rama.

Etiketimet

TË FUNDIT

Sondazh

Euro 2024| A mendoni se Shqipëria do të mund ta kalojë grupin e “ferrit” në kampionatin Evropian?