Thaçi: Ahmeti kundërshtari më i madh politik, por kurrë s’do kaloja me armiqtë e tij

Kreu i PDSH, Menduh Thaçi në një intervistë për Euronews Albania, foli në lidhje situatën e shqiptarëve në Maqedoninë e Veriut në prag të zgjedhjeve që pritet të mbahen së shpejti.

I pyetur lidhur me raportin që ka me Ali Ahmetin e BDI, Thaçi u shpreh se është kundërshtari i tij më i madh politik, njësoj siç janë në Shqipëri, Edi Rama dhe Sali Berisha.

Kreu i PDSH tha se do të vijojë të përplaset me Ahmetin sa herë të ketë bindjen se po vepron gabim, por kurrë nuk do të kalojë në anën e armiqve të Ahmetit, që siç theksoi punojnë kundër shqiptarëve në RMV.

“Është kundërshtari im më i fortë politik, lufta politike me të ka qenë si Edi Rama me Sali Berishën në Shqipëri, përplasja më e madhe politike e shqiptarëve të RMV me formacione politike. Ndjehem mirë që me meritën time dhe të tij kjo përplasje nuk ka çuar në konflikt civil mes shqiptarëve të RMV. Sado që t’u dukesh i mirë maqedonasve dhe serbëve, po të jesh shqiptar i suksesshëm prite sulmin e furishëm prej tyre. Unë do të vazhdoj që për gjërat që mendoj se i bën gabim të përplasem me të, por kurrë nuk do bëhem pjesë e anës tjetër, e armiqve të tij që duan ta çojnë kombin shqiptar të RMV në drejtime të humbura”, u shpreh Thaçi.

LEXONI GJITHASHTU:

• Kreu i PDSH: Kurti të mos ndërhyjë në zgjedhjet e Maqedonisë së Veriut
• VV në zgjedhjet në RMV, analisti: Kurti po mundohet të bëhet “Baba” i shqiptarëve