VV në zgjedhjet në RMV, analisti: Kurti po mundohet të bëhet “Baba” i shqiptarëve

Analisti Fatmir Sheholli, ishte i ftuar këtë të martë në Euronews Albania ku komentoi situatën politike në Kosovë dhe zhvillimet në rajon.

Sheholli u ndal dhe te hyrja e Vetëvetëndosjes në politikën e brendshme të Maqedonisë së Veriut,  ku LVV do të jetë pjesë e koalicionit të opozitës, që njihet me emrin Lidhja Evropiane për Ndryshim (LEN).

Sheholli tha se kjo lëvizje e Kurtit në RMV do të dështojë ashtu sikurse tentativa e tij për të garuar me subjektin e Vetëvendosjes në zgjedhjet e 2021 në Shqipëri.

Sipas tij garimi i LVV në zgjedhjet në Maqedoni vetëm sa dëmton shqiptarët aty dhe përkrah partinë pro-ruse VMRO-DPMNE.

“Do të përfundojë ashtu siç ka përfunduar në Shqipëri. Jam shumë i bindur. Asnjë lider politik më përpara se ka bërë këtë, prandaj ky po mundohet që të bëhet “baba” i gjithë shqiptarëve. Por nuk i shkoi kjo. E provoi ta bënte në Shqipëri, ju e patë me çfarë votash ka kaluar. E njëjta gjë ka për të ndodhur dhe në Maqedoninë e Veriut, nuk ka kurrëfarë ndonjë mundësie që të ketë ndonjë rezultat. Ju bën vetëm keq shqiptarëve të Maqedonisë. Nuk besoj që sjell tensione me Maqedoninë e Veriut, por dhe mirë nuk i bën. Nuk e di çfarë kërkon Kurti me votat në Maqedoni. Por është duke përkrahur këtë opozitën, po ndhmon këtë partinë pro-ruse VMRO-DPMNE. E cila është totalisht pro-ruse dhe pro-serbe”, tha Sheholli.

LEXONI GJITHASHTU:

• Kurti: Radojiçiç me ushtrinë serbe po përgatitet për sulme të reja në Kosovë
• Deputeti serb sulmon Kurtin: Kokëfortë dhe diktator si Vuçiçi, po dëmtojnë Veriun