Thanasi: Tava e krapit, flija e Kukësit, tava e Elbasanit duhet të njihen në botë

Sipas një renditjeje nga TasteAtlas Awards (2022), rezulton se kuzhinat më të mira në botë janë ato të Italisë, Greqisë, Spanjës, Japonisë, për të vijuar me atë indiane, meksikane, turke, amerikane, franceze e më tej. Kuzhina shqiptare renditet në vendin e 68-të.

Sipërmarrësja Dhurata Thanasi tha në emisionin GoodMorning Albanians në Euronews Albania se disa gatime tradicionale shqiptare si tava e krapit, flija e Kukësit, tava e Elbasanit mund ta përfaqësojnë shumë mirë Shqipërinë në botë.

“Tava e krapit siç e bëjnë shkodranët në mënyrë ekselente dhe tava e koranit të Pogradecit, janë receta unike që mund të jenë shumë përfaqësuese në konkurse të ndryshme. Mund të jetë flija  e Kukësit e sjellë në mënyrë shumë elegante, që ndryshon nga flija e Kosovës, është më  e veçantë, është tava e Elbasanit”, tha Thanasi.

LEXONI GJITHASHTU:

• Fundim Gjepali: Në Shqipëri mishi ende pritet llokma-llokma
• Kuzhinat më të mira në botë, ja ku renditet Shqipëria