Kritika e Fundim Gjepalit: Në Shqipëri mishi ende pritet llokma-llokma

Fundim Gjepali, shef kuzhine tha në një intervistë për “Good morning Albanians” në Euronews Albania se 75% e produkteve që përdor në restorantin e tij janë produkte shqiptare.

Sipas tij në Shqipëri ka probleme edhe me formën si pritet mishi apo si kultivohen perimet. Në këndvështrimin e tij është e rëndësishme të tregohemi pak më fin në këtë pjesë në mënyrë që dhe kuzhina shqiptare të jetë më e sofistikuar.

“Nuk duhet të kemi turp t’i themi gjërat. Mishi akoma nëpër lagje pritet me llokma, me copa. Ne jemi në një epokë tjetër, duhet të jemi më fin. Duhet të jemi më fin edhe në kultivimin e perimeve, mos të bëjmë vetëm një tip sallate se ajo ecën në treg, atë na kap syri dhe ai që shet fidanët të lagjja. Jo për çështje politike, por është i angazhuar goxha shteti në këto punë, thjesht është një proces i gjatë,” – u shpreh Gjepali.

LEXONI GJITHASHTU:

• Fundim Gjepali: Mishi dhe bulmeti me etiketa false, nuk dihet origjina e ushqimeve
• Gjepali: Është keqkuptuar, nuk ishin pjata plastike në dasmën e Arminës