“Thika pas shpine në PS”, Vangjeli për Asamblenë: Situata s’është aq rozë sa duket

Gazetari Lorenc Vangjeli ishte këtë të mërkurë në “Now me Erla Mëhillin” ku tha se daullet e luftës në Partinë Demokratike na ndalojnë të kemi vëmendje në atë që po ndodh në Partinë Socialiste.

Ai tha se edhe pse situata në Partinë Socialiste duket e qetë, nëse do të “hapnim kamerat” tha ai do shikonim thika pas shpine nga secili për secilin.

“Nëse ndizen kamerat në PS, do shikojmë se selia rozë nuk është aq rozë, por ka lumenj tmerri e vreri, zilie e xhelozie, interesa që përplasen njëri me tjetrin, thika nga secili ndaj shpinës së gjithësecilit, të cilat si rezultat në fund fare kanë njeriun të cilit i blatojnë të paktën dy fitore të njëpasnjëshme, ky është Edi Rama”, tha analisti.

Vangjeli u ndal dhe te perfermonca e grupit parlamentar socialist në parlament, ku tha se janë vetëm 4 apo 5 emra të cilët flasin, ndërsa shumica dërmuese e tyre fshehin kokën ose nuk e dinë pse ndodhen aty.

“Për ta pasur të qartë këtë gjë merrni shikoni kasetën e një të enjteje të zakonshme të parlamentit dhe shikoni se çfarë ndodh aty. Janë 4 apo 5 emra të cilët flasin. Një shumicë dërmuese e mban kokën jo ulur, por nën sqetull për ta fshehur, një pjesë fërkon duart, një pjesë nuk di për çfarë është atje”, tha Vangjeli.

LEXONI GJITHASHTU:

• “Njoh gra që s’e kanë parë detin kurrë”, fermerja: S’kanë ekonomi për pushime
• Burime: Në fund të shtatorit do të mbahet Kongresi i Jashtëzakonshëm i PS