Thomas Tuchel kthehet në çështje, Rooney kundër federatës angleze

Wayne Rooney, një nga lojtarët më të njohur që ka pasur Anglia, është shprehur kundër vendimit të federatës, duke theksuar dëshirën për të vazhduar me një trajner vendas.

“Është një surprizë për mua. Tuchel është një trajner i mirë, por jam i befasuar me këtë vendim të Federatës. Në 10-15 vitet e fundit, Federata ka ndërtuar një platformë për trajnerë të rinj anglezë; prisja që t’i besonin një prej tyre,” pohon Rooney.

Megjithatë, ka edhe ata që e mbështesin Tuchel, një prej të cilëve është rivali i tij në Premier League kur drejtonte Chelsean, Pep Guardiola.

“Thomas Tuchel është trajneri i ri; më duhet t’i bëj komplimentet e mia Federatës Angleze. Kjo është një detyrë e rëndësishme, dhe i uroj atij më të mirat. Federata zgjodhi një trajner të huaj me shumë eksperiencë.”

Tuchel ka firmosur një kontratë 18-mujore në krye të “3 luanëve” me një pagë prej 6 milion paundësh në vit.

LEXONI GJITHASHTU:

• Destinacioni i radhës për Tuchel, Spanja dhe Anglia në planet e 50-vjeçarit
• Bayern merr vendimin përfundimtar për të ardhmen e Tuchel, del me njoftim zyrtar