“T’i fusin një shpullë gruas, nuk është problem për shqiptarët”-avokat Alimadhi

Avokati Gentian Alimadhi  tha për “Good Morning Albanians” se duke punuar si avokat në Itali si është hasur me raste të ndryshme të dhunës së  burrave ndaj grave.

Ai tha se qasja e emigrantëve shqiptar ndaj dhunës është ndryshe nga ajo e çifteve italiane, pasi siç u shpreh ai “shqiptari s’e ka për gjë të qëllojë me shpullë gruan”.

“Unë bëj avokatin dhe kam edhe çështje keqtrajtimesh të grave. Duhet ta pranojmë. Është një keqinterpretim i ligjeve atje, me ligjet dhe kodet shqiptare.

Nëse për një shqiptar është normale t’i fusësh një shpullë gruas dhe nuk është problem, në Itali kjo është shumë e amplifikuar dhe nëse ajo grua ankohet dhe denoncon, dalin probleme shumë të rënda. Ajo nuk e di që ai mund të arrestohet, nuk e di që do kalojë te psikologu”,-tha për Euronews Albanians avokati Alimadhi.

LEXONI GJITHASHTU:

• BE shqyrton rrezikun nga përdorimi i katër teknologjive si armë lufte
• Dhëndri serb i shqiptarëve: Nuk kam frikë nga Policia e Kosovës, jemi bërë miq