Trupi diplomatik shqiptar që shërben në të gjithë botën në datat 26 dhe 28 gusht do të grumbullohen në Tiranë për të marrë pjesë në Konferencën e Ambasadorëve “Tirana Diplo 2024”.

Konferenca e Ambasadorëve do të jetë një takim i Shërbimit të Jashtëm shqiptar, ku do të diskutohet rreth mundësive për të paraqitur prioritetet që do të orientojnë punën e misioneve diplomatike dhe posteve konsullore të Republikës së Shqipërisë në botë.

Një nga tematikat kryesore të këtij eventi do të jetë Rrugëtimi dhe dinamikat e procesit të integrimit të Shqipërisë në Bashkimin Europian.

Eventi do të organizohet në ambientet e Pallatit të Kongreseve dhe përveç ambasadorëve e krerëve të posteve konsullore, do të jenë të ftuar personalitete të shtetit shqiptar dhe të huaj.

Në këtë event do të marrin pjesë edhe kryeministri Edi Rama i cili do të ketë një fjalë përshëndetëse në ditën e parë të punimeve të konferencës.

Ky takim i trupës diplomatike të Shqipërisë në botë vjen në një kohë kur në procedurë parlamentare është futur t’u shqyrtuar pr.ligji i ri për shërbimin e jashtëm.

LEXONI GJITHASHTU:

• Gogu: Integrimi evropian nuk është më dëshirë, por vendosmëri e palëkundur
• Integrimi në BE, Hohmann: Muajt e ardhshëm, thelbësorë për perspektivën evropiane