Tirana mbrojtja më e dobët, Fagu “fajëson” ngarkesën psikologjike

Kupa mbetet një objektiv konkret për Tiranën e Erbim Fagut, e cila në gjysmëfinale sfidohet nga Kukësi, skuadër që mund të konsiderohet surprizë.

Thuajse të rënë nga kategoria, verilindorët do të luftojnë në trofeun tjetër të rëndësishëm, ndërsa kupa mbetet synim dhe për Tiranën, e cila ka mbyllur përgatitjet për këtë përballje.

Trajneri Erbim Fagu i vlerëson maksimalisht verilindorët, të cilët janë forcuar nën drejtimin e Devollit.

“Sigurisht është ndeshje që e vlerësojmë maksimalisht, një trofe në lojë që ne od bëjmë maksimumin në këto 2 ndeshje, sidomos nesër. Skuadra e Kukësit sidomos me ardhjen e Devollit është më agresive, por gjithsesi ne i kemi idetë e qarta”, tha Fagu.

Tirana krahas rezultateve jo pozitive, rezulton skuadra me mbrojtjen më të dobët në Superligë.

“Problem nuk besoj se ka, kemi pasur ngarkesë psikologjike. Nuk kemi lojtarë të dobët në mbrojtje, kemi më të mirët në kampionat. Mungesa e rezultateve ka sjellë ngarkesë psikologjike. Nuk do gjejmë fajtorin, ne bëjmë maksimumin çdo ditë, në çdo seancë, jo vetëm për të përmirësuar mbrojtjen, por dhe mesfushën e sulmin”, tha ai.

Skuadra vjen me grupin e plotë në këtë përballje, ku siç tanimë dihet mungesa e vetme është ajo e Metës, i cili vijon të jetë i dëmtuar prej javësh. Të mërkurën paralelisht luhet dhe gjysmëfinalja tjetër mes Egnatias dhe Vllaznisë.

LEXONI GJITHASHTU:

• Devolli i lumtur për kualifikimin/ Kukësi eliminon Partizanin nga kupa
• Skënderbeu në finale, volejbollistet korçare triumfojnë në ndeshjen ndaj Partizanit