Tirana në raundin e dytë të Conference League, bardheblutë i pret Besiktas

Fitore me vlerën e kualifikimit është ajo e regjistruar nga Tirana në tranfertën e Gjeorgjisë. Bardheblutë kanë mposhtur Dinamo Batumin me rezultatin 2-1, në një ndeshje tejet të luftuar përgjatë 90 minutave. Vendësit qarkulluan më tepër topin, por rastet i krijoi skuadra e Orges Shehit, e cila kaloi në avantazh në minutën e 28’ me Regi Lushkjan. Ashtu si në përballjen e luajtur në “Air Albania”, mesfushori gjeti sërish rrjetën.

Pjesa e dytë do të ishte një pasqyrim i së parës, me bardheblutë që do të gjenin dhe golin e dytë me autor Deliun. Dinamo Batumi arriti të shënonte golin e vetëm në minutën e 90’ me Kapanadze, ndërsa kohë nuk i premtoi më tepër. Kështu bardheblutë avancojnë më tej, ndërsa në raundin e dytë të Conference League i pret Besiktas.

Një barazim dramatik 4-4, por në fund vendosën penalltitë, të cilat i dhanë të drejtë Ararat Armenia të kalonte më tej, me Egnatian që mbylli rrugëtimin në Evropë. As fitorja minimale e Vllaznisë nuk vleu pasi shkodranët u mposhtën 3-1 në transfertë nga Linfield, teksa eleminim pësoi dhe skuadra e Gjilanit në Kosovë e Shkëndija në Maqedoninë e Veriut. Shkupi shënoi sukses dhe Dukagjini, i cili gjithashtu avancoi më tej.

LEXONI GJITHASHTU:

• Asnjë skuadër shqiptare nuk e kalon raundin e parë në Champions
• UEFA gjobit Federatën Shqiptare të Futbollit